Mae darpariaethau hir disgwyliedig y \u2018Divorce, Dissolution and Separation Act 2020\u2019 yn dod i rym heddiw. Golyga hyn bod \u2018ysgariad heb fai\u2019 yn dod i rym o heddiw ymlaen a ni fydd rhaid i gyplau sy\u2019n mynd trwy\u2019r broses ysgaru neu ddiddymu rhoi bai ar ei gilydd neu aros tan eu bod wedi gwahanu am oleuaf 2 flynedd cyn cychwyn achos. \u00a0Tra mai\u2019r sail am ysgariad neu ddiddymiad o hyd bydd – bod yna chwalfa anadferadwy yn y berthynas – y gofyniad o heddiw ymlaen bydd i\u2019r part\u00efon ffeilio datganiad o chwalfa anadferadwy. Mae\u2019r datganiad hyn yn cyfri fel tystiolaeth bendant a ni ellir ei herio oni bai bod dilysrwydd y briodas neu\u2019r bartneriaeth sifil yn cael ei gwestiynu, neu nad oes gan y Llys awdurdodaeth i ddelio gyda\u2019r cais. Gellir gwneud y cais naill ai gan un parti neu ar y cyd gyda\u2019i gilydd.<\/p>\n
Mae yna newidiadau arall i\u2019r broses sy\u2019n bwysig bod yn ymwybodol ohonynt. Unwaith bydd y cais yn cael ei gyflwyno, mae yna nawr isafswm cyfnod o 20-wythnos o ddyddiad cyflwyno\u2019r cais cyn y gall bart\u00efon wneud cais i\u2019r Llys am Orchymyn Amodol, a adnabyddir yn flaenorol fel y \u2018Decree Nisi\u2019. \u00a0Pwrpas y cyfnod 20-wythnos hyn yw rhoi cyfnod callio i\u2019r part\u00efon neu gyfnod o amser i fyfyrio a cheisio datrys unrhyw drefniadau ynghylch plant ac arian. Gellir gwneud cais am y Gorchymyn Terfynol, a adnabyddir yn flaenorol fel y \u2018Decree Absolute\u2019, ar \u00f4l gwarantu\u2019r Gorchymyn Amodol.<\/p>\n
Y gobaith yw y bydd y ddeddfwriaeth newydd hyn yn helpu symleiddio\u2019r broses ysgaru a diddymu gan leihau gofid chwalfa perthynas a helpu cyplau gyrraedd cytundeb cyfeillgar yn ystod beth sydd yn barod yn gyfnod anodd ac emosiynol iawn.<\/p>\n