Cyflwynwyd y dyfarniad hir-ddisgwyliedig mewn perthynas ag achos Guest -v- Guest, ar yr 19eg Hydref 2022 yn y Goruchaf Lys, sydd wedi darparu eglurder ynghylch sut y dylid asesu dyfarniadau mewn hawliadau Estopel Perchnogol.<\/p>\n
Dechreuwyd yr achos gan Andrew Guest, mab hynaf teulu ffermio llaeth. Dadleuodd Andrew fod ei dad wedi addo cyfran sylweddol o\u2019r fferm deuluol iddo, adeg marwolaeth ei dad. Gan weithredu ar yr addewid hwnnw, bu Andrew\u2019n gweithio ar y fferm am 33 mlynedd am gyflog sylfaenol gan gredu y byddai cyfran helaeth o\u2019r fferm yn berchen iddo un diwrnod. Yn anffodus, dirywiwyd y berthynas rhwng Andrew a’i rieni, gan arwain at ddietifeddu Andrew o ewyllys ei rieni.<\/p>\n
I ddechrau, bu hawliad Andrew yn llwyddiannus, a derbyniodd y Llys fod Andrew wedi gweithio ar y fferm am gyfnod hir am gyflog sylfaenol ar y ddealltwriaeth y byddai\u2019n cael ei wobrwyo am hyn ar farwolaeth ei dad, a byddai cyfran sylweddol o\u2019r fferm yn cael ei adael iddo. Dyfarnwyd cyfandaliad i Andrew yn seiliedig ar 50% o werth net y busnes fferm laeth ar y farchnad, a 40% o werth net y fferm ar y farchnad, er gwaetha\u2019r ffaith bod y Llys wedi pwysleisio\u2019r ffaith y byddai\u2019n anochel y byddai dyfarniad o\u2019r fath yn golygu y byddai\u2019n rhaid gwerthu\u2019r fferm.<\/p>\n
Apeliodd rhieni Andrew yn erbyn penderfyniad y Llys ar y sail bod y dyfarniad wedi\u2019i asesu\u2019n anghywir. Roeddent yn dadlau bod y dyfarniad wedi cyflymu disgwyliadau Andrew trwy roi cyfandaliad iddo tra bod ei rieni\u2019n fyw yn hytrach nag ar eu marwolaethau, fel yr oedd Andrew wedi disgwyl yn flaenorol. Cafodd yr ap\u00eal ei wrthod, a chyfeiriodd rhieni Andrew’r achos at y Goruchaf Lys. Cynhaliwyd y gwrandawiad ar yr 2il o Ragfyr 2021.<\/p>\n
Caniataodd y Goruchaf Lys yr ap\u00eal trwy fwyafrif o 3-2 gan roi dewis i\u2019r rhieni naill ai (i) i dalu cyfandaliad i Andrew nawr ond lleihau\u2019r swm a ddyfarnwyd yn wreiddiol er mwyn digolledu am y taliad cynnar neu (ii) i\u2019r cyfandaliad gael ei dalu i Andrew ar farwolaeth ei rieni, fel y disgwyliwyd yn flaenorol gan Andrew, gyda’r fferm yn cael ei rhoi mewn ymddiriedolaeth ar gyfer Andrew a’i frawd a’i chwaer gyda llog oes yn cael ei roi i’w rhieni. Byddai\u2019r opsiwn hwn yn rhoi amddiffyniad a sicrwydd i Andrew ond ar yr un pryd yn osgoi gorfod gwerthu\u2019r fferm yn ystod bywyd ei rhieni.<\/p>\n
Mae’r dyfarniad hir-ddisgwyliedig hwn wedi rhoi eglurder ar y sail y dylid asesu dyfarniadau mewn hawliadau o’r fath. Roedd y Goruchaf Lys o\u2019r farn na all hawliwr ddisgwyl cael dyfarniad a fyddai\u2019n fwy na\u2019i ddisgwyliadau gwreiddiol. Nid oedd Andrew yn disgwyl cael cyfran o\u2019r fferm tan ar \u00f4l marwolaeth ei rieni. Pe bai\u2019n derbyn ei gyfran o\u2019r fferm yn gynt na\u2019r disgwyl ac yn ystod oes ei rieni, yna roedd y Goruchaf Lys o\u2019r farn y byddai gostyngiad yn y dyfarniad yn briodol. Pe bai\u2019r wobr yn cael ei rhoi iddo ar farwolaeth ei rieni, yn \u00f4l y disgwyl, dylid rhoi amddiffyniad i Andrew a hefyd ei rieni rhag gwerthu\u2019r fferm, a oedd yn gartref iddynt, yn ystod eu bywydau.<\/p>\n
I gael cyngor arbenigol ar oblygiadau\u2019r achos hwn mewn achosion unigol, cysylltwch \u00e2\u2019n t\u00eem arbenigol o Gyfreithwyr, Llio Phillips, Karen Anthony, Elin Owen neu Melissa Charles Davies yn advisor@agriadvisor.co.uk<\/p>\n","protected":false},"excerpt":{"rendered":"
Cyflwynwyd y dyfarniad hir-ddisgwyliedig mewn perthynas ag achos Guest -v- Guest, ar yr 19eg Hydref 2022 yn y Goruchaf Lys, sydd wedi darparu eglurder ynghylch sut y dylid asesu dyfarniadau…<\/p>\n","protected":false},"author":5,"featured_media":0,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[10],"tags":[],"class_list":["post-13873","post","type-post","status-publish","format-standard","hentry","category-uncategorized-cy"],"acf":[],"yoast_head":"\n